Politikë

Basha:Bizneset e vogla po marrin kredi për të mbijetuar, Rama i ka harruar


Bëhu pjesë e Grupit Zyrtar të Opinion.al
>> KËTU <<
               Publikuar në : 17:38 - 17/11/20 |
Al Do

Kryetari i Partisë Demokratike, Lulzim Basha thotë se biznesi i vogël është harruar nga shteti gjatë pandemisë dhe për pasojë po falimenton. Gjatë takimit me pronarë të bizneseve të vogla në kryeqytet Basha akuzoi kryeministrin se shpenzon të gjithë kohën duke cicëruar gënjeshtra kundër tij, ndërsa ekonomia po falimenton.

Sipas Bashës taksat që mbledh nga biznesi, Rama i ndan me oligarkët dhe jo në ndihmë dhe mbështetje për sipërmarrësit

“Ndërkohë që Rama shpenzon të gjithë kohën duke cicëruar gënjeshtra kundër meje, ekonomia jonë po falimenton.

Të dhënat krahasimore nga Fondi Monetar Ndërkombëtar dëshmojnë se Shqipëria është ekonomia më e nënfinancuar e Ballkanit Perëndimor.

Për 7 vite rresht Rama e ka shkatërruar ekonominë. Mijëra dyqane dhe njësi shërbimi si biznesi i Artan Muratit po vuajnë rënien e fortë të xhiros. Bizneset e vogla po marrin kredi për të mbajtur hapur derën. Prej muajsh nuk nxjerrin asnjë fitim. Vendet e punës i kanë shkurtuar. Komunitetet rreth tyre janë varfëruar më shumë.

Kanë pritur që qeveria t’i ndihmojë një herë të vetme, siç kanë paguar taksat rregullisht. Por Edi Rama nuk ka kohë për problemet e shqiptarëve që e nxjerrin vetë bukën e familjeve të tyre. Edi Rama nuk ka as para për bizneset që mbajnë me bukë familjet e komuniteteve të tyre. Sepse taksat që mbledh prej tyre, Edi Rama i ndan me miqtë e tij. Kjo është arsyeja pse Rama nuk u jep ndihmë financiare qytetarëve që po vuajnë nga kriza e COVID-it”.

Sipas kreut demokrat kjo gjendje do të ndryshojë me ardhjen e opozitës në pushtet, e cila do të kujdeset për çdo qytetar e biznes.

“Ne do ta ndryshojmë këtë gjendje. Ne do të kujdesemi për biznesin, do të kujdesemi për të vetëpunësuarit, do të kujdesemi për të gjithë qytetarët dhe do të japim ndihmë financiare për çdo qytetar. Ne do të sjellim shpresë për Shqipërinë”. /Opinion.al

Pas