Aktualitet

Basha: Të pastrojmë politikën nga ata që pasuruan veten


Bëhu pjesë e Grupit Zyrtar të Opinion.al
>> KËTU <<
               Publikuar në : 08:42 - 10/11/21 |
Opi Nion

Kreu i Partisë Demokratike, Lulzim Basha në një postim në rrjetin social “Twitter”,  ka përsëritur sërish qëndrimin e tij për nismën e propozuar nga PD,  vetingun e politikanëve.

Kryedemokrati shkruan se Shqipëria është vendi më i varfër në Europë, sepse është vendi më i korruptuar i Europës.

Më tej, Basha shprehet se duhet bërë vetingu në politikë për t’i dhënë fund pandëshkueshmërisë dhe për të pastruar politikën nga ata që kanë abuzuar me detyrën për të pasuruar veten dhe të tjerët.

“Shqipëria është vendi më i varfër në Europë, sepse është vendi më i korruptuar i Europës. Një mijë e një hallet e njerëzve që rropaten për një jetë më të mirë, e sipërmarrësve që luftojnë për të mbijetuar në një ekonomi jo konkuruese e të moshuarve të ndrydhur nga pensioni i pamjaftueshëm, i të rinjëve që ëndërrat i kanë çdo ditë e më shumë larg Shqipërisë, janë një thirrje për t’i dhënë fund pandëshkueshmërisë për ta pastruar politikën nga të gjithë ata që kanë abuzuar me besimin e qytetarëve, duke pasuruar veten dhe një grusht të vogël njerëzish”./Opinion.al

Pas