Kryetari i Partisë Demokratike, Lulzim Basha ka denoncuar sot nëpërmjet një raporti ndërkombëtar, nivelin e lartë të korrupsionit në vend.
Pas indeksit të Transparency International, ku Shqipëria kishte humbur 7 vende duke e renditur më keq në rajon përsa i përket korrupsionit në sektorin publik, Basha ka publikuar raportin e Global Talent Competitiveness Index (GTCI) për vitin 2020.
Ky indeks mat dhe rendit vendet bazuar në aftësinë e tyre për të rritur, tërhequr dhe ruajtur talentet. Filluar për herë të parë në vitin 2014, GTCI ofron një mori të dhënash dhe analiza që ndihmojnë vendimmarrësit të zhvillojnë strategji talentesh dhe të bëhen më konkurrues në tregun global.
Sipas këtij raporti Shqipëria renditet e 76 mes 136 vendeve të studiuara.
“Global Talent Competitiveness Index 2020, është i dhjeti raport që evidenton korrupsionin e qeverisë si problem për shoqërinë shqiptare. Vendi ynë po zbrazet dhe po braktiset nga të rinjtë dhe të shkolluarit, sepse ka papunësinë, varfërinë dhe korrupsionin më të lartë në Europë” shkruan lideri demokrat dhe shton se “nuk ka pse të jetë kështu” pasi “ne kemi të gjithë potencialin për mirëqenie dhe zhvillim këtu në vendin tonë.” . /Opinion.al
Global Talent Competitiveness Index 2020, është i dhjeti raport që evidenton korrupsionin e qeverisë si problem për shoqërinë shqiptare. Vendi ynë po zbrazet dhe po braktiset nga të rinjtë dhe të shkolluarit, sepse ka papunësinë, varfërinë dhe korrupsionin më të lartë në Europë. pic.twitter.com/LUiLo2kuw9
— Lulzim Basha (@lulzimbasha_al) January 31, 2020
Por nuk ka pse të jetë kështu. Ne kemi të gjthë potencialin për mirëqenie dhe zhvillim këtu në vendin tonë. @pdshqiperi kemi propozuar masa emergjente për çlirimin e ekonomisë, me ligjet anti-mafia dhe anti-oligarki që tregu i lirë të funksionojë për të gjithë, jo vetëm për ca.
— Lulzim Basha (@lulzimbasha_al) January 31, 2020
