Ambasadorja e SHBA në Tiranë, Yuri Kim përdori figurën e Heroit tonë Kombëtar, Gjergj Kastriot Skënderbeu dhe një nga baballarët themelues të SHBA, Xhorxh Uashington, kur foli për kurajon për të bërë drejtësi si dhe për të shprehur mbështetjen që Shtetet e Bashkuara do të japin në këtë process.
E ftuar në një aktivitet për Reformën në Drejtësi, të organizuar nga ministrja e Drejtësisë, Etilda Gjonaj, ambasadorja e sapoardhur nënvizoi edhe njëherë se Refoma në Drejtësi duhet të zbatohet e plotë. Madje ajo tha gjithashtu se disave ajo mund ti ngjajë si “magnetofon i prishuar” për ripërsëritjen e këtij mesazhi.
“Kam pasur nderin të takohem me një pjesë të madhe prej jush dhe mund të kem tingëlluar si një magnetofon i prishur për sulmin që Reforma në Drejtësi do t’i japë korrupsionit. Reforma në Drejtësi duhet të zbatohet e plotë. Të gjithë jemi shërbyes publikë. Jemi mbledhur për të shënuar kauzën “Drejtësi për të gjithë”. Ne mbartim një privilegj të madh, por një detyrë edhe më të madhe për të siguruar publikun që do t’i bëjmë detyrat me integritet. Ne kemi një idiomë në gjuhën angleze “Ne themi ‘shërbeji drejtësi’”. Kjo do të thotë çështje që jep trajtim të drejtë.
Për të gjithë momentet e shkuara, por edhe ata që do vijnë, ju themi se jemi krah për krah me ju. Unë mendoj për Skënderbeun dhe Xhorxh Uashingonin, dy personalitete të jashtëzakonshëm. Por, jemi në prag të diçkaje tejet të rëndësishme. Besoj që shpirti, fryma e Skënderbeut është ende gjallë këtu në Shqipëri, ashtu si fryma e Xhorxh Uashingtonit është po aq prezente këtu. Besoj plotësisht që si fryma e Skënderbeut, Uashingtonit, janë të gjalla këtu, dhe në atë frymë ju shpreh që të mbartni frymën e kurajos, në mënyrë që të jepni drejtësi për të gjithë”, tha ambasadorja Kim.
Në aktivitet ishte i pranishëm edhe ambasadori i BE në Tiranë, Luigi Soreca i cili teksa theksoi mbështetjen “e paprecedentë” sic e tha ai të BE për Reformën në Drejtësi, foli dhe konkretisht për hapat që duhen ndjekur më tej.
“BE e ka mbështetur Reformën që prej ditës së parë. Ka qenë angazhimi më i madh si politikë dhe financiar të shtyrë nga besimi se është rruga e vetme për të ndërtuar një Shqipëri demokratike, stabile dhe ta gatshme prej BE. Kemi dhënë 34 milion euro për Reformën në Drejtësi, një mbështetje financiar e paprecedentë.
Këto vite kanë qenë vite intensive që kanë kërkuar nerva prej çeliku. Është e vështirë mos shohësh dot çfarë ka arritur Shqipëria. Janë ndryshuar më shumë se 70 tekste ligjore, pa përfshirë ndryshimet kushtetuese, Vettingu apo dhe krijimi i organeve të reja.
Çdo hap që ju do të bëheni, do të shkruani historinë e Shqipërisë dhe pse nuk do të jeni në krye të institucioneve.
Përtej festimit të suksesesve ju bëjmë thirrje që të vazhdoni me vendosmëri. 2020 do të jetë një vit kritik për të mishëruar arritjet e 2019.
Për tu siguruar që Reforma është e suksesshme sistemi duhet të zëvendëosjë gjyqtarët që nuk e kanë të mundur të punojnë në sistemin e drejtësisë.
Lipset që ne së pari të finalizojmë hartën gjyqësore, strategjinë dhe buxhetin për personelin, sistemin IT dhe infrastrukturën.
Ndërsa në aspektin afatshkurtër duhet të trajtohen emergjencat. Të mbushen vendet vakante në Gjykatat Kushtetuese dhe të Lartë si dhe të mbështetet SPAK .
Në aspektin afatmesëm duhet të punojmë për të patur një zgjidhje të mesme për vendet vakante. Për këtë duhet të jetë Shkolla e Magjistaturës.
Ndërsa në aspektin afatgjatë duhet të bëjmë të pamundur që ILD dhe KED të funksionojnë në më të mirën e tyre dhe të arrijnë parimet e pavarësisë dhe përgjegjshmërisë.
Bashkëpunimi i faktorëve që jemi mbledhur këtu sonte do të jetë çelësi për të arritur gjërat. Reforma në Drejtësi na ka mësuar shumë gjëra por na ka mësuar që për një të ardhme mund të arrihen shumë gjëra. Në 2020 do të arrijmë edhe më shumë. Dëshiroj të përdor fjalët e ministres, Reforma në Drejtësi është pasaporta drejt objektivit për anëtarësimin në BE, që shqiptarët e meritojnë plotësisht.” tha Soreca. /Opinion.al
