Kryesore

Basha e largoi nga komisioni, Noka: Mund të jetë vendimi i tij i fundit


Bëhu pjesë e Grupit Zyrtar të Opinion.al
>> KËTU <<
               Publikuar në : 23:49 - 11/10/21 |
Opi Nion

Deputeti demokrat Flamur Noka ka reaguar lidhur me vendimin e kryetarit Basha për largimin e tij nga pozicioni i nënkryetarit në Komisionin e Sigurisë. Basha ka paralajmëruar njëkohësisht për përjashtim të Nokës nga grupi parlamentar, përmes një njoftimi të bërë publik edhe në media.

“Basha është në panik me këtë vendim tregon se e ka mbërthyer keq paniku. Ka vetëm një rruge ai e di. Ikja nga PD, se po e mban peng. Jam një nga zërat brenda atij grupi që nuk bëjë kompromis me parimet që është ndërtuar PD. Me vlerat që përfaqëson anëtarësia e saj. Por ai nuk i duron dot këto dhe pa më të voglin diskutim merr vendime të tilla anti statuore thjeshtë për ti lehtësuar mbledhjet se ai është mësuar të bëjë monolog se nuk pranon kurrë dialog. Nuk di të dialogojë, prandaj ky vendim dhe alternativa ndryshe. Nuk është mësuar kurrë të debatojë.

Po ju them që ai që shpif është zoti Basha. Unë në mbledhje e kryesisë së Grupit kam kërkuar vazhdimisht që të mbahet protokoll dhe regjistrim digjital i diskutimit apo në mënyrë të shkruar. Se duhen gjurmë se është moment që fatet e PD-së janë në rrezik si pasojë e Bashës. Ai po shuan zërin e opozitës, po e kthen opozitën në atë që ka ëndërruar nga Rama. Kam kolegë dëshmitarë ku kam kërkuar të jap dorëheqje.

I kam thënë që PD nuk mund të jetë peng i tij. Kam dëshmitarë kur unë i kam thënë që është e vetmja rrugë që të iki. Të mos bëjë presion delegatëve për firmosjen e mbledhjes së Kuvendit Kombëtar. I kam kërkuar se çfarë u ka bërë dhe vërshoi me një lum akuzash që nuk i kisha dëgjuar ndonjëherë.” tha Noka në abc news.

Noka, publikisht përkrahës në nismën e ish-kryetarit Berisha, tha se ky mund të jetë vendimi i fundit i Bashës si kryetar.

“Të siguroj që askush nuk do rrezikohet se e ka marrë vendimin nën panik. Por vendimi i radhës do jetë i demokratëve për të larguar. Do arrihet shumë shpejt. Mund të jetë vendimi i fundit që merr Basha.” tha Noka. /Opinion.al

Pas