Kryesore

Bardhi: Nga vota e vlonjatëve për PS u pasurua Damiani, u punësua Leli


Bëhu pjesë e Grupit Zyrtar të Opinion.al
>> KËTU <<
               Publikuar në : 17:16 - 14/11/20 |
Opi Nion

Sekretari i Përgjithshëm i Partisë Demokratike Gazment Bardhi, ka reaguar pas deklaratave të Kryeministrit nga Vlora, ku ndodhej në takimin “Deputeti që duam”.

Duke ju referuar fjalimit të Kryeministrit për përballimin e situatës Covid dhe sistemin shëndetësor në vend, Bardhi shprehet se ndryshe nga sa thotë Rama, shëndetësia në vend është më e shtrenjtë dhe e paarritshme për shumë nga shqiptarët.

Përmes një postimi në FB, Bardhi e ka cilësuar Kryeministrin “Kryetar të Hajdutëve të Rilindur”, ndërsa ka sulmuar gjithashtu kryetarin e bashkisë së Vlorës Dritan Leli dhe ish-ministrin Gjiknuri.

Postimi i plotë i Bardhit  

Sot njësoj si dje – Asgjë e re: Me plehrat në krah, jo më në sfond!

Kush ka dëgjuar Edi Ramën sot në Vlorë, duhet të jetë ndier i tallur pa fund. Kryetari i Komitetit të Hajdutëve të Rilindur e bëri Shqipërinë më të zhvilluar se Gjermania, se Zvicra dhe se Italia po e po.

Shëtiti për 2 orë në të gjithë hartën e Europës nga Azia e Vogël në Azore, nga Mesdheu në Skandinavi, por nuk u tha vlonjatëve dhe shqiptarëve pse shëndetësia sot jo vetëm nuk është falas, siç premtoi 8 viet më parë, por është më e shtrenjtë dhe më e paarritshme për shumicën e shqiptarëve.

Edi Rama nuk tha pse vlonjatët nuk kanë punë, pse të rinjtë ikin, pse ua ka rritur taksat, pse bizneset falimentojnë dhe biznesi i trafikut të drogës lulëzon.

Edi Rama nuk u tha se nga vota e vlonjatëve për Partinë Socialiste, u pasurua Damiani, por u varfëruan vlonjatët; u punësua Dritan Leli nga Tirana në Vlorë si Kryetar Bashkie, por u larguan mijëra të rinj vlonjatë nga Vlora, sepse 300 mijë vendet e punës që premtoi ishin një mashtrim.

Të tallur nga Edi Rama duhet të jenë ndier edhe mjekët, infermierët, mësuesit, administrata që ai e keqpërdor për propagandën e tij. Rroga e tyre nuk është rritur asnjë qindarkë gjatë 7 viteve të keqqeverisjes së Edi Ramës.

Edi Rama është një politikan mashtrues dhe i dalë boje. Më 25 prill, bashkë me shqiptarët, do ta largojmë këtë të keqe, që mashtron dhe tallet prej 23 vjetësh me shqiptarët.

Pas