Kryesore

“Balonë Tabake”, Rama: Tabaku t’i drejtohet gjykatës nëse ka prova se e kam fyer


Bëhu pjesë e Grupit Zyrtar të Opinion.al
>> KËTU <<
               Publikuar në : 18:10 - 16/11/21 |
Opi Nion

Kryeministri Edi Rama ka ftuar nënkryetaren e PD, Jorida Tabaku që t’i drejtohet gjykatës nëse ka prova se është fyer prej tij në Parlament.

Për shprehjen “balonë tabake”, Rama tha se ishte metaforë dhe jo një fyerje. Kreu i qeverisë tha se ai nuk ka fyer asnjë grua në Kuvend dhe se ishte i habitur nga reagimi i demokratëve në Parlament.

“Është e paimagjinueshme që teksa një metaforë kthehet në një akuzë, pas saj vazhdon një lumë i tërë balte sharjesh dhe turrjesh për grushta duke turpëruar gjithë parlamentin. Duke qenë se kjo nisi me zonjën Tabaku e cila pas kësaj bëri edhe një replikë ku metafora time kishte lidhje me shifrat, pra shifra si balonë tabake, duke qenë se më tutje Tabaku u ankua përpara kuvendit se kjo na qenka në trend. Unë kam ardhur me një prej vendimeve të gjykatës që ka të bëj me zonjën Tabaku dhe e kam sjell këtu për të thënë se ka një ndryshim shumë të madh mes retorikës oratorisë së metaforave dhe mes sharjeve dhe shpifjeve apo akuzave, janë ndryshime shumë të mëdha sepse ndryshe kthehemi në koha shumë të errëta ku njerëzit gjykohesh publikisht për shkak të mënyrës si përdorin gjuhën. Jam i impresionuar se si një poete si Açka u ndje e prekur nga një metaforë. Unë nuk do prekesha fre, do e konsideroja nëj mënyrë të komunikuari. E kam ftuar tabakun të çojë në gjykatë një fakt të vetëm për të provuar gjithë këto akuza”,-tha Rama./ Opinion.al

Pas