Aktualitet

Ballkani i Hapur/ Varhelyi: Jam me ju, edhe tre vendet e tjera të bëhen pjesë


Bëhu pjesë e Grupit Zyrtar të Opinion.al
>> KËTU <<
               Publikuar në : 10:23 - 21/12/21 |
Opi Nion

Komisioneri për Zgjerim, Olivér Várhelyi, në fjalën e mbajtur në samitin për iniciativën e “Ballkanit të Hapur” shprehu mbështetjen për këtë nismë.

Ndër të tjera, nga Samiti i Tiranës ku ishte pjesë online, ai ftoi edhe tre vendet e tjera të rajonit që të bëhen pjesë.

“Unë jam nga Hungaria dhe kjo më jep një nivel më të afërt të kuptimit si mund të ndihmojmë Ballkanin. Për të qenë i ndershëm kam qenë i prirur pozitivisht ndaj këtij propozimi. Ju vazhdoni ta nxisni këtë nismë sepse rajoni kërkon që të jetë një i tërë sa i takon ekonomisë dhe shoqërisë. Rajoni kërkon që të jetë bashkë, sikur jemi ne në BE. Admiroj edhe faktin edhe sa e ndjeni këtë nismë. Ka qenë një nismë që vjen nga Ballkani. Nuk është BE që doli me këtë nismë, por erdhi prej jush, tre aktorëve që shoh rreth tryezës dhe ju vazhduat të shtynit përpara edhe kur ne nuk arritëm që të tërhiqnim pjesëmarrjen e të gjithë partnerëve, sepse ju kuptuat rëndësinë e tregut rajonal dhe mënyrën sesi mund të përshpejtojë integrimin ekonomik. Ne mendojmë se ky është mesazhi më i mirë se rajoni mund të përçojë se jo vetëm se është gati për bashkëpunim rajonal por po e bën. Mund të më përfshini si mbështetës të Ballkanit të Hapur. I ftoj tre partnerët e tjerë t’i kthehen këtij bashkëpunimi rajonal” tha ai.

Kujtojmë se në këtë nismë nuk kanë marrë pjesë  Kosova, Mali i Zi dhe Bosnje e Hercegovina./Opinion.al

Pas