Aktualitet

Varhelyi: BE e angazhuar për mbajtjen e Konferencës Ndërqeveritare me Shqipërinë


Bëhu pjesë e Grupit Zyrtar të Opinion.al
>> KËTU <<
               Publikuar në : 10:40 - 21/12/21 |
Opi Nion

Komisioneri për Zgjerimin Oliver Varhelyi, gjatë fjalës së tij në samitin për “Ballkanin e Hapur” shprehu keqardhje që nuk është mbajtur ende Konferenca e Parë Ndërqeveritare me Shqipërinë dhe Maqedoninë e Veriut.

Lidhur me procesin e integrimit, ai theksoi se ka një angazhim të qartë nga ana e BE që konferenca të mbahet sa më parë. Sipas tij, kjo ishte e dukshme edhe në konkluzionet e miratuara nga Këshilli në mënyrë të njëzëshme.

“Mos harroni që ne kemi bërë progres në procesin e zgjerimit, kemi hapur grupe kapitujsh me Serbinë, kemi parë gjithashtu pjesë të metodologjisë me Malin e Zi. Megjithatë, nuk e fsheh keqardhjen time që ende nuk e kemi mbajtur konferencën e parë ndërqeveritare me Shqipërinë dhe Maqedoninë e Veriut. Duhet t’i mbajmë shumë shpejt. Shenja e parë që duhet të shohim është që kemi një angazhim të qartë nga ana e BE që kjo të ndodhë. Gjithashtu, kjo ishte e dukshme edhe në konkluzionet e miratuara nga Këshilli në mënyrë të njëzëshme. Duhet marrë shumë seriozisht kësisoj dhe ka ardhur koha që kjo të ndodhë e që t’i sjellim në tryezë të gjitha marrëveshjet”, tha Oliver Varhelyi./Opinion.al

Pas