Aktualitet

Ballkani i Hapur/Abazoviç: Çdo nismë që sjell progres do mbështetet nga Mali i Zi



Bëhu pjesë e Grupit Zyrtar të Opinion.al
>> KËTU <<
               Publikuar në : 11:32 - 08/06/22 |
Opi Nion

Kryeministri i Malit të Zi, Dritan Abazoviç ka deklaruar gjatë samitit të Ballkanit të Hapur që po mbahet në Ohër se Mali i Zi do të mbështesë çdo nismë që do të sjellë progres.

Në fjalën e tij, Abazoviç tha se që të jemi anëtarë të BE-së, duhet të ndryshojmë qëndrimet dhe mentalitetin tonë.

Më tej ai theksoi se shpreson që herën tjetër të jenë të 6 liderët e Ballkanit.  Abazoviç nënvizoi se duhet të ulemi këtu dhe të flasim për nevojat e qytetarëve, pasi sipas tij mesazhi drejt BE-së do jetë shumë më ndryshe se tani.

“Jemi këtu dhe këtë e shikoj si të kemi një të ardhme të mirë të bazuar në ekonomi, në biznes, mobilitet më të madh të qytetarëve në të gjitha fushat. Kjo për mua është ideja e Ballkanit të Hapur. Çdo nismë dhe çdo mekanizëm që mund të sjellë progres, do ketë mbështetjen e Malit të Zi. Ideja është që ne të kemi marrëdhënie të mira dhe dialog. Të mos kemi frikë nga njëri-tjetri. Politikat retograde, mosrespektimit të theksimit të konflikteve të vazhdueshme. Unë kam kënaqësi të madhe që me ne është dhe komisioneri i BE-së, edhe administrata amerikane e mbështet këtë nismë.

Brukseli, sado që mund t’u dërgojmë kritika, duhet të bëjë punë. Askush nuk do asnjë problem. Kur kemi liderë të Ballkanit Perëndimor që shkojnë në Bruksel dhe kritikojnë njëri-tjetrit, ne do jemi gjithmonë më larg BE-së. Shpresojmë që herën tjetër të jemi edhe 6 persona. Të ulemi këtu dhe të flasim për nevojat e qytetarëve. Mesazhi drejt BE-së do jetë shumë më ndryshe se tani. Tani ata që e kontestojnë Ballkanin e Hapur ta dinë që e kanë gabim.

Që të jemi anëtar të familjes së BE-së, duhet të ndryshojmë qëndrimet tona dhe mentalitetin tonë.. Ne jemi mjaft pesimist për çdo gjë që ndodh këtu. Nëse dikush mendon se vetë mund të plotësojë të gjitha nevojat, atëherë atij i urojmë fat, por ajo politikë nuk bën. Nëse kemi idenë se në një dialog të hapur, të krijojmë një shoqëri me vlera, ne në Ballkanin Perëndimor meritojmë njëri-tjetrin, histori që do të tregojë të gjitha të mirat tona. Duhet të vendosim komunikim të ndërsjellë. Vetëm kështu mund të ndryshojmë të ardhmen e Ballkanit Perëndimor.

Ne jemi të interesuar për sezonet e zjarreve, të kemi dhe oferta të përbashkëta turistike. Shfrytëzojmë rastin që nga ky vend të vini sa më shumë në Malin e Zi. Ballkani i Hapur nuk duhet të shihet si ide e politikanëve, duhet të jetë ide për qytetarët tanë. Rezultatet mund t’i arrijmë vetëm nëse ndryshojmë pasqyrën e Ballkanit Perëndimor. Të gjithë liderët duan ta shohin vendin e tyre në BE. Nuk është ideja që një vend të jetë sa më herët në BE dhe të tjerët mos të jenë. Kjo do të shkojë drejt sigurisë më të madhe. Keni duart e zgjatura nga qeveria e Malit të Zi për të gjitha nismat që do kenë progres për Ballkanin Perëndimor. Këtë e presin shtetasit e Ballkanit Perëndimor” – tha Abazoviç.

Pas