Aktualitet

Balla: Studentët na dhanë një shuplakë të merituar, marrim mandatin e 3-të


Bëhu pjesë e Grupit Zyrtar të Opinion.al
>> KËTU <<
               Publikuar në : 11:54 - 24/10/20 |
Al Do

Sekretari i Përgjithshëm i Partisë Socialiste, Taulant Balla është shprehur sot se protesta e studentëve në dhjetor të vitit 2018 ishte një shuplakë e merituar për mazhorancën.

Gjatë një takimi me të rinjtë në Elbasan në kuadër të “FRESSH VOICE”, numri dy i socialistëve i bëri apel të rinjve që të ruajnë veten dhe të mbajnë maskat.

Balla u shpreh i bindur se PS do të marrë një tjetër mandat të tretë. Ai solli në vëmendje protestën e studentëve, të cilën e cilësoi një shuplakë të merituar, por shtoi se Pakti i Universitetit tashmë është në rrugën e duhur.

“Ajo që duhet të diskutojmë është lufta e ditës, përballja me COVID. Elbasani është qarku i 4 për nga numri i të rasteve. Elbasani është një qytet universitar, ku javën e ardhshme një pjesë e vajzave dhe djemve vjen për studime. Apeli im; ju lutem sa më shumë, mbani maskën, lani duart dhe gjithçka që është e mundur që ta parandalojmë. Dikush ka thënë se; “pse i bëni këto takime?”, them se nëse do të mbaheshin në këto distanca takimet, s’ka problem. 25 prilli është me rëndësi për Shqipërinë, Nuk votohet vetëm për faktin se kush voton për 4 vitet e ardhme, por PS do të marrë një mandat të tretë. Me rëndësi është se si të kuptohet se si do të jetë Shqipëria në 2030-ën. Përpara zgjedhjeve të vitit tjetër do të paraqesim vizionin tonë se si e shohim Shqipërinë në 2030, ku të rinjtë do të kenë prioritet. Të gjithë e mbajnë mend kur në 2018 dhjetor studentët u ngritën. Na dhanë një shuplakë të merituar. Duhet ta kishim kuptuar me kohë atë nevojë që ishte për gjendjen në universitet dhe konvikte. Nëse bëjmë një analizë të qartë dhe objektive në 2013-ën, unë besoj se biem dakord që tashmë për sa i përket Paktit të Universitet jemi në rrugën e duhur. Kjo për shkak të investimeve në universitete dhe ajo akomoduese. I kam ndjekur punimet në konviktin e Elbasani, janë si hotelet me 2 ose 3 yje. Nuk duhet të harrojmë se për pak ditë bëjmë 1 vit, nga tërmeti i 26 nëntorit, na erdhi dhe një valë tjetër e rëndë, një tërmet i padukshëm. Një armik hileqar dhe dëmet njerëzore janë të mëdha. Edhe pse numri i humbjeve është më i ulët. Këtu gjejnë rastin që të falënderoj Gledin për drejtimin e një operacioni humanitar të shkëlqyer në ditët e mbylljes dhe secilin prej jush.”, tha Balla./ Opinion.al

Pas