Politikë

Kryemadhi: LSI është partia e të rinjve, do të jetë foltorja juaj


Bëhu pjesë e Grupit Zyrtar të Opinion.al
>> KËTU <<
               Publikuar në : 12:34 - 24/10/20 |
Al Do

Në një takim me të rinjtë e formit rinor të Lëvizjes Socialiste për Integrim, kryetarja Monika Kryemadhi u shpreh se dhënia e një zëri për ta është zgjidhja për situatën e krijuar në Shqipëri.

Teksa preku problemin e emigrimit të të rinjve, Kryemadhi theksoi se LSI ka qenë partia që iu ka dhënë dorën atyre, siç tha aj, duke mos i përdorur për dekod por duke i bërë pjesë të vendimmarrjes.

Sipas kryetares së LSI, të rinjtë aspirojnë një të ardhme evropiane dhe nënvizoi se këtë aspiratë të tyren nuk ka asnjë virus që e ndal.

Të rinjtë janë shpirti dhe drita e syve të familjeve tona. Dëgjoj me vëmendje dhe me pjesën më të madhe të tyre jemi takuar. Pyetja që bëjmë herë pas here është; sa nga ju duan që të ikin nga Shqipëria? Mungesa e arsimit cilësor, e perspektives, e një page të mirë paguar, e shumë gjerave të tjera që ka sot nevojë një njeri, jo vetëm shkollën, janë arsyet. A ka zgjidhje kjo situatë? LSI është partia e të rinjve, iu ka dhënë dorën të rinjve, që janë sot krenaria e kësaj partie dhe fuqia e saj. S’i përdorim të rinjtë si dekor, të bëhesh sot pjesë e vendimmarrjes, do të thotë të kesh vizion.  Sot këtu nga korpusi i Universitetit të Tiranës, në sheshin Nënë Tereza, ku me bekimin e saj, të urojë të rinjtë, familjet tuaja, që të ndriçojë mendjen dhe zemrat, që të ndërtoni familjet në Shqipëri. LSI do të jetë foltorja juaj për të marrë vendimet tuaja. Me djem dhe vajza si ju që ëndërrojnë të jenë evropiane në vlera dhe standard jetese, në cilësinë e mënyrës së jetesës, për të krijuar më shumë. Evropa nuk është kulla që zaptohen dhe pastrojnë paratë e drogës në Shqipëri. Por është arsim cilësor, shëndet dhe kujdes i politikës për qytetarët e saj. Kjo është e vetmja mënyrë për të ndryshuar këtë realitet të hidhur. S’ka virus që e ndalon rininë shqiptare për të ndaluar këtë realitet monstruoz”, tha Kryemadhi. /Opinion.al

Pas