Kryesore

PD: Në Sharrë bëhen faturime fiktive pa TVSH, 650 ton plehra në ditë


Bëhu pjesë e Grupit Zyrtar të Opinion.al
>> KËTU <<
               Publikuar në : 13:07 - 24/10/20 |
Al Do

Partia Demokratike akuzon se në landfilldin e Sharrës bëhen faturime fiktive ditore për të përfituar në mënyrë të jashtëligjshme para nga buxheti  i shtetit.

Në një deklaratë përbashkët, kryetari i FRPD Belind Këlliçi dhe zëdhënësja  Ina Zhupa kanë denoncuar atë që cilësojnë si “skemën kriminale” që sipas tyre ka si autorë kryeministrin Edi Rama, kryetarin e Bashkisë Tiranë Erion Veliaj dhe ish-ministrin Arben Ahmetaj, por edhe elementë të “Ndragheta” dhe bandës së Lushnjes.

“Skema e mafies së plehrave, e cila është ngritur nga Edi Rama, Erion Veliaj, Arben Ahmetaj, element të “Ndraghetës” dhe bandës së Lushnjës, dhe lidhet drejtëpërdrejtë me grumbullimin, transportin e plehrave, landfillin e Sharrës dhe inceneratorin e Tiranës”, deklaroi Këlliçi.

Më tej ai foli për një skemë kriminale që përfshin faturimin e 650 ton mbetje ditore në landfilldin e Sharrës. Kjo sasi mbetjesh sipas kreut të FRPD i kthen qytetarët e Tiranës “në konsumatorët më të mëdhenj se qytetarët francez dhe ata gjerman”.

Përmes skemës së pretenduar nga PD, Rama, Veliaj dhe Ahmetaj kanë krijuar monopol mbi industrinë e plehrave me atë që PD cilëson si  “sekseri i tyre”,  Mirel Mërtiri.

Sipas denoncimit të PD, kryeministri Rama dhe kryebashkiaku Veliaj transferojnë̈ përmes sekserëve të tyre çdo vit plot 11 milion euro në parajsat fiskale.

“Asnjë̈ nuk do kalojë pa marrë dënimin e merituar nga drejtësia. Treshja Rama-Ahmetaj- Veliaj, të cilët janë në krye të kësaj skeme kriminale mafioze, do të dalin para drejtësisë̈, në mos sot nesër.”, deklaroi Ina Zhupa. /Opinion.al

Pas