Aktualitet

Balla në Kosovë, takohet me Albin Kurtin, çfarë u diskutua


Bëhu pjesë e Grupit Zyrtar të Opinion.al
>> KËTU <<
               Publikuar në : 10:19 - 15/12/21 |
Opi Nion

Kreu i grupit parlamentar të Partisë Socialiste, Taulant Balla, ndodhet në Kosovë për një vizitë zyrtare.

Gjatë qëndrimit të tij në Kosovë, Balla është takuar në Prishtinë me kryeministrin e Kosovës, Albin Kurti.

Në një postim në rrjetin social, “Facebook”, Balla shkruan se marrëveshjet e nënshkruara mes dy qeverive në mbledhjen e Elbasanit ishin një hap i madh.

Ndër të tjera, Balla bën me dije se tashmë po punohet me qeverine e Kosovës për forcimin bashkëpunimit edhe në nivel të grupeve parlamentare.

“Marrëveshjet e nënshkruara mes dy qeverive në Mbledhjen e Elbasanit ishin një hap i madh në drejtim të lehtësimit të lëvizjes në dy anët e kufirit, njohjes së diplomave apo kontributeve të sigurimeve shoqërore dhe krijimit të hapësirave më të mëdha të bashkëpunimit ekonomik mes dy shteteve tona. Do të forcojmë bashkëpunimin edhe në nivel të grupeve tona parlamentare”, shkruan Balla./Opinion.al

Pas