Drejtuesja politike e PS në Fier, Belinda Balluku tha nga Apollonia se njeriu nga natyra ka tendencë të ëndërrojë të ardhmen, por sipas saj, pa rrënjët dhe kujtesën historike nuk mund të ndërtohet e ardhmja.
Duke iu referuar qarkut të Fierit, Balluku vlerësoi rolin e të rinjve në proceset zgjedhore, duke thënë se ata kanë kontribuar në fitoren e majit, ku sipas saj është arritur një rezultat historik me 12 mandate.
“ E zgjodhëm Apollonin për të dhënë një mesazh. Njeriu nga natyra ka tendencë të ëndërrojë të ardhmen, por pa rrënjët, memoriet nuk ndërtojnë një të ardhme. Kemi ardhur për të kujtuar ata që vendosën në themel të PS-së kontributin dhe sakrificën. Kemi dëgjuar gjatë këtij muaji kremtimesh histori dhe kujtime. Të rinjtë nuk e konceptojnë si ishte në ’91 të ishe anëtar i PS-së. Krenarisht e them se qarku i Fierit ka një rini të mrekullueshme që ka kontribuar në fitoren e majit, ku shkruam historinë me 12 mandate.”
