-Kulturë

Balerini shqiptar vlerësohet me Çmimin Austriak për Shkencë dhe Art


Bëhu pjesë e Grupit Zyrtar të Opinion.al
>> KËTU <<
               Publikuar në : 21:33 - 14/12/19 |
Al Do

Balerini shqiptar Eno Peçi është vlerësuar me Çmimin Austriak për Shkencë dhe Art “Österreichischen Ehrenkreuzes Fürwissenschaft Und Kunst”.

Në vitin 2014 ai u bë balerini i parë shqiptar që performoi live në Koncertin e Vjenës. Eno Peçi, ka lindur në Tiranë. Pasi u arsimua në Akademinë e Baletit të Tiranës, ai vijoi studimet edhe në shkollën e baletit në Operën Shtetërore të Vienës. Në vitin 2000 ai iu bashkëngjit baletit të “Operës vieneze”-it. Sukseset nuk vonuan dhe në 2003-n Eno Peçi hyri në trupën e Operës shtetërore të Vjenës. Në 2009-n ai u bë balerin i parë  në këtë opera dhe që prej asaj kohe Eno Peçi nuk i është ndarë skenës si balerin dhe koreograf.

Sot ai është një ndër ambasadorët më të mirë shqiptarë në Vjenë.

Çmimi Austriak për Shkencë dhe Art u krijua nga Këshilli Kombëtar si një nder për arritjet shkencore ose artistike në vitin 1955. Në të njëjtën kohë, Këshilli Kombëtar themeloi edhe “Kryqin Austriak të Nderit për Shkencë dhe Art “, i cili jepet si” Kryqi i Nderit, Klasa e Parë “dhe” Kryqi i Nderit “.

Eno Peçi, me këtë çmim nuk është më vetëm balerin që vlerësohet nga kritikët, por një koreograf, shfaqjet e të cilit duartrokiten në skena ndërkombëtare. /Opinion.al

Pas