Bota

Babai lë foshnjën 14-muajsh në makinë, fëmija vdes nga temperaturat e larta



Bëhu pjesë e Grupit Zyrtar të Opinion.al
>> KËTU <<
               Publikuar në : 21:49 - 23/07/22 |
Opi Nion

Një foshnjë 14-muajshe ka ndërruar jetë në makinë për shkak të temperaturave të larta që kanë mbërthyer Francën.

Por përgjegjës për vdekjen tragjike nuk ishin vetëm kushtet e vështira atmosferike, por edhe vetë babai i tij, pasi dyshohet se ka lënë për orë të tëra fëmijën brenda makinës së parkuar.

Sipas Daily Mail, ngjarja ka ndodhur një qytet në jugperëndim të Francës, i cili është prekur veçanërisht nga kushtet e motit “të nxehta”. Mësohet se babai kishte marrë me vete fëmijën që në mëngjes, për ta lënë në çerdhe.

Megjithatë, babai harroi se e kishte fëmijën në sediljen e pasme të makinës, kështu që nuk e la ​​kurrë në çerdhe. Më pas ai parkoi makinën në diellin e nxehtë me foshnjën brenda.

Fëmija pësoi goditje nga temperaturat e larta, duke sjellë kështu vdekjen e tij.

Sapo nëna e kuptoi se diçka nuk shkonte me fëmijën, ajo lajmëroi shërbimet e urgjencës së vendit, të cilët nxituan në vendngjarje – rreth orës 17:00 – duke u përpjekur më kot për të ringjallur foshnjën.

Foshnja u gjet e pajetë pasditen e së njëjtës ditë në parkingun e një kompanie./Opinion.al

Pas