Bota

Austria në prag të futjes së miliona njerëzve në izolim, janë të pavaksinuar


Bëhu pjesë e Grupit Zyrtar të Opinion.al
>> KËTU <<
               Publikuar në : 13:15 - 12/11/21 |
Opi Nion

Austria është disa ditë larg futjes së miliona njerëzve të pavaksinuar në izolim, tha kancelari i saj të enjten, shkruan CNN.

Alexander Schallenberg u tha gazetarëve se shkalla e vaksinimit të vendit ishte shumë e ulët dhe la të kuptonte se masat do të futen në fuqi brenda disa ditësh.

Në shtetet e tjera kjo normë është shumë më e lartë, është e turpshme pasi kemi mjaft vaksina në dispozicion,“- shtoi Schallenberg.

Sipas planit të vendit, i cili u ra dakord në shtator, austriakët e pavaksinuar do të përballen me një urdhër qëndrimi në shtëpi pasi 30% e shtretërve të kujdesit intensiv të jenë të zënë nga pacientët e infektuar me Covid-19.

Njerëzit e pavaksinuar do të përjashtohen nga ambientet argëtuese, restorantet, parukierët dhe pjesët e tjera të jetës publike në Austri. Nëse masat e reja hyjnë në fuqi, të pavaksinuarit do të urdhërohen të qëndrojnë në shtëpi me përjashtim të disa arsyeve të kufizuara.

Rreth 65% e popullsisë së Austrisë është plotësisht e vaksinuar kundër Covid-19, një nga normat më të ulëta në Bashkimin Evropian.

Është e qartë se ky dimër do të jetë i pakëndshëm për të pavaksinuarit,“-paralajmëroi Schallenberg, duke shtuar se “bllokimi mund të vijë shumë më shpejt sesa mund të mendojnë disa.”/Opinion.al

Pas