Aktualitet

Paloka numëroi firmat me gazetarët, Bardhi: Show, PD nuk është celulë


Bëhu pjesë e Grupit Zyrtar të Opinion.al
>> KËTU <<
               Publikuar në : 13:45 - 12/11/21 |
Opi Nion

Sekretari i Përgjithshëm i Partisë Demokratike, Gazmend Bardhi në një deklaratë për mediat ka reaguar pasi kryetari i Këshillit Kombëtar të PD, Edi Paloka, mëngjesin e sotëm ftoi mediat dhe i’u tregoi gazetarëve firmat e 4200 delegatëve për mbledhjen e Kuvendit Kombëtar të PD.

Nga selia blu, Bardhi tha se gazetarët nuk mund të bëjnë verifikimin e firmave prandaj përsëriti thirrjen që formularët të dorëzohen në protokollin e PD.

“Çdo anëtar i PD-së sot është fyer edhe me atë pakicë që kanë besuar te zoti Berisha. Edhe sikur janë të dhënat tonat, të jenë siguruar 1/8 apo 1/10 vullneti i tyre nuk mbyllet në kasafortë dhe të bëhet show. Edhe zëri i pakicës duhet të dëgjohet edhe nëse 1/10 e delegatëve duhet të dëgjohet nga partia. Prandaj përsëris thirrjen time si sekretar i përgjithshëm i PD-së, që nxirrini firmat nga kasaforta jo me gazetarë që nuk janë në gjendje të konfirmojnë nëse janë nënshkrues të formularëve anëtarë të këshillit kombëtar, janë apo jo demokratë, janë apo jo gjallë apo janë apo jo në territorin e Shqipërisë. Respektoni institucionet e PD-së me transparencë të plotë. PD nuk vepron në ilegalitetit, nuk fshihet dhe nuk është celulë”, tha Bardhi./Opinion.al

 

Pas