Aktualitet

Atentati me eksploziv ndaj kunatit të Domart Konjarit, zbardhet ngjarja


Bëhu pjesë e Grupit Zyrtar të Opinion.al
>> KËTU <<
               Publikuar në : 13:45 - 01/04/21 |
Opi Nion

Gjatë aksionit të zhvilluar këtë të enjtë nga policia në Tiranë, ku janë goditur 18 baza që shërbenin për modifikimin, magazinimin dhe shitjen e armëve luftarake nga grupe kriminale që kryenin krime kundër personit janë zbardhur edhe tre ngjarje kriminale.

Një ndër ngjarjet e zbardhura rezulton të jetë dhe ajo e 18 Tetorit 2019 ku u tentua të vritej me eksploziv të telekomanduar, Artan Bylyku, i cili është kunati i Domart Konjarit.  Sipas policisë, Paris Prenga, Bledar Deda dhe Flor Abazi të arrestuar sot si dhe Ermond Jamaku dhe Enver Jamaku, të arrestuar më parë, janë autorë të ngjarjes.

Gjithashtu, të arrestuarit e këtij grupi janë autorët e sulmit me armë ndaj avokatit Paulin Papleka, më 10 shtator të vitit 2017, në rrugën “Muhamet Deliu”, në Tiranë.

Kujtojmë se në automjetin Artan Bylykut u vendos një sasi e konsiderueshme eksplozivi e cila u shpërthye në mënyrë të telekomanduar në orët e para të mëngjesit të 18 tetorit të 2018-ës në rrugën “Ramazan Bogdani”.

50-vjeçari kishte pak ditë që ishte kthyer nga Gjermania, ndërsa nga hetimet paraprake u mësua se lënda eksplozive ishte vendosur në pjesën e përparme dhe poshtë bagazhit të mjetit të tij luksoz. Shpërthimi shkaktoi panik tek banorët e zonës, për shkak se zona ishte e mbipopulluar.

Vetë, Artan Bylyku u mor në pyetjen nga autoritetet dhe mohoi të ketë konflikte me persona të tjerë. Ai nuk rezultonte person me precedent penal, por policia dyshonte se ngjarja mund të lidhet me faktin se është kunati i Domart Konjarit, një emër i njohur për policinë.

Konjari rezultonte i dënuar në Francë për “Trafik ndërkombëtar droge” dhe “krijimi i organizatave kriminale”. Ai u arrestua në Shqipëri në Nëntor të vitit 2015, por Apeli i Krimeve të Rënda zbuti masën ndaj tij nga “arrest me burg” në “detyrim paraqitje”. Pas marrjes së kësaj mase Konjari u arratis.

Pas