Aktualitet

Arta Vorpsi sqaron pozicionin e saj nga Gjykata Kushtetuese


               Publikuar në : 10:11 - 15/11/19 |
Al Do

Arta Vorpsi dhe Marsida Xhaferllari janë paraqitur sot të dyja në Gjykatën Kushtetuese. Ato nuk dhanë prononcime për mediat por zonja Vorpsi pranoi ti përgjigjej shkurt vetëm një pyetjeje sa i takon statusit të saj në këtë institucion.

Ajo punon si këshilltare ligjore në Gjykatën Kushtetuese por sot ka thënë se është në detyrë si gjyqtare.

Pyetje: Zonja Vorpsi, sot në Gjykatën Kushtetuese, jeni me statusin e këshilltares apo të gjyqtare së Gjykatës Kushtetuese?

Arta Vorpsi: Jam në detyrë si gjyqtare.

Arta Vorpsi bëri ditën e djeshme betimin para një notereje për pozicionin e anëtares së Gjykatës Kushtetuese pasi u emërua nga KED automatikisht si e para në listën e kandidatëve. Emërimi i saj është shkruar në fletoren zyrtare por ajo nuk ka marrë dekret nga Presidenti Meta dhe nuk është betuar para tij. Nga ana tjetër Marsida Xhaferllari u dekretua si anëtare e Gjykatës Kushtetuese nga presidenti dhe dje bëri betimin mbi Kushtetutë.

Të dyja pretendojnë vendin e tyre si anëtare e Gjykatës Kushtetuese për të njëjtën vakancë. Kjo e ka futur procesin e funksionimit të gjykatës në një ngërç institucional. /Opinion.al

Pas