Aktualitet

Arrestohen 5 roje bregdetare në Vlorë, për çfarë akuzohen


Bëhu pjesë e Grupit Zyrtar të Opinion.al
>> KËTU <<
               Publikuar në : 09:10 - 06/05/21 |
Opi Nion

Pesë roje bregdetare janë arrestuar nga Policia e Vlorës, në kuadër të një operacioni të zhvilluar 4 muaj më parë, ku u shpëtuan 50 shtetas sirianë në mes të detit, në tentativë për të shkuar në mënyrë ilegale me gomone në Itali.

Autoritetet njoftojnë se janë vënë në pranga shtetasit, B. B., 38 vjeç, R. Ç., 54 vjeç,  B. M., 26 vjeç,  S. B., 23 vjeç,  A. A., 34 vjeç, të gjithë banues në Vlorë.

Ndalimi i tyre u bë pasi këta shtetas, me detyrë roje bregdetare të Forcës Detare, gjatë operacionit ndihmuar skafistin E.L., të arratisej dhe t’i shpëtonte përgjegjësisë.

Njoftimi i policisë Vlorë:

Vijon operacioni për parandalimin dhe goditjen e tentativës për kontrabandim të migrantëve nga vendet e treta në drejtim të Italisë, i zhvilluar 4 muaj më parë.

Në kudër të këtij operacioni janë vënë në pranga, për veprën penale “Shpërdorim detyre”, kryer në bashkëpunim, 5 shtetas të shpallur në kërkim, me detyrë roje bregdetare.

Seksioni për Hetimin e Trafiqeve të Paligjshme dhe Narkotikëve në Drejtorinë̈ Vendore të Policisë̈ Vlorë, nën drejtimin e Prokurorisë̈ së Rrethit Gjyqësor Vlorë, pas një̈ pune intensive hetimore disamujore, në bazë të vendimeve të Gjykatës së Rrethit Gjyqësor Vlorë, e cila ka caktuar masën e sigurisë “Arrest në burg”, bënë ndalimin e shtetasve:

B.B., 38 vjeç, banues në Vlorë.

R.Ç., 54 vjeç, banues në Vlorë.

B.M., 26 vjeç, banues në Vlorë.

S.B., 23 vjeç, banues në Vlorë.

A.A., 34 vjeç, banues në Vlorë

Ndalimi i tyre u bë pasi këta shtetas, me detyrë roje bregdetare të Forcës Detare, gjatë operacionit  për goditjen e tentativës për kontrabandim në drejtim të Italisë̈, të migrantëve nga vendet e treta, në grykëderdhjen e Vjosës, dyshohen se gjatë evakuimit të personave në bordin e mjetit lundrues, kanë shpërdoruar detyrën, duke mos siguruar shoqërimin e të gjithë personave të evakuuar gjatë operacionit, konkretisht drejtuesin e mjetit lundrues (gomone), i cili ka mundur të largohej, shtetasin E. L.(A.), një ndër tre të arrestuarit nga Policia, në muajin janar.

Materialet në ngarkim të tyre i kaluan Prokurorisë̈ pranë̈ Gjykatës së Shkallës së Parë Vlorë, për veprime të mëtejshme.

 

Pas