Aktualitet

Armand Duka viziton Thaçin e Veselin në Hagë:Historia e burgut, sprova e fundit për ta



Bëhu pjesë e Grupit Zyrtar të Opinion.al
>> KËTU <<
               Publikuar në : 21:15 - 02/10/22 |
Opi Nion

Pasditen e sotme, presidenti i Federatës Shqiptare të Futbollit, Armand Duka dhe kreu i futbollit në Kosovë Agim Ademi kanë vizituar në burgun e Hagës Hashim Thaçin dhe Kadri Veselin.

Lajmi është bërë i ditur nga vetë presidenti i FSHF-së, Armand Duka përmes një postimi në rrjetin social “Facebook”.

Krahas fotove të publikuara me Agim Ademin dhe anëtarin e kominitetit ekzekutiv te FFK Mirsad Çollaku, Duka shkruan se Thaçi dhe Veseli do të dalin të fituar në këtë betejë, dhe se historia e burgut do të jetë sprova e fundit për ta.

“Sot pasdite isha në burgun e Hagës, Hollandë. Bashkë me Presidentin e Federatës së Kosovës Agim Ademi, e anetarin e kominitetit ekzekutiv te FFK Mirsad Çollaku, u takuam e bashkëbiseduam me dy miq, dy figura me gjurmë të padiskutueshme në historinë e Kosovës dhe Shqiptarisë, Hashim Thaçin e Kadri Veselin. Kjo historia e burgut, është sprova e fundit për ta. Dhe në çdo rast do të dalin të fituar për ti dhënë fund njëherë e mirë të gjitha pretendimeve për të përbaltur UÇK-në dhe luftën për pavarësi të popullit të Kosovës. Me erdhi shume mirë që ishin mirë me shëndet dhe për më tepër për minuta të tëra folëm dhe për futbollin.Sa mirë e sa para kanë ecur Shqipëria e Kosova në këtë drejtim. Hashimi gjithmonë ka qenë një ndjekës i rregullt edhe në stadium. Dhe kjo e Hashimit dhe Kadriut është e ngjashme me lojrat që bëjmë në fushë. Kemi hedhur në fushë lojtarët më të mirë të kombëtareve tona. Ndaj do dalim të fituar. Hashim & Kadri, gjithë komuniteti i futbollit Shqipëri-Kosovë por edhe në gjithë trevat shqipfolëse është me ju”, shkruan Duka.

Vetëm pak ditë më parë, ish-krerët e UÇK-së u vizituan nga tre ish-presidentët e Shqipërisë Alfred Moisiu, Rexhep Meidani e Bamir Topi, si dhe ish-kryeministri Pandeli Majko, në një nismë të ndërmarrë nga ish-presidenti Behgjet Pacolli, i cili po ashtu ishte pjesë e vizitës./Opinion.al

 

 

Pas