Bota

Arizona planifikon ekzekutime me gazin që nazistët përdorën në Aushvic


Bëhu pjesë e Grupit Zyrtar të Opinion.al
>> KËTU <<
               Publikuar në : 22:36 - 03/06/21 |
Opi Nion

Shteti i Arizonës po ndërmerr hapa për të përdorur cianur hidrogjeni, gazin vdekjeprurës të përdorur gjatë gjenocidit të kryer nga nazistët në Aushvic dhe kampe të tjerë, për të ekzekutuar të burgosurit e dënuar me vdekje.

Zyrtarët e institucioneve të riedukimit kanë rinovuar një dhomë gazi që nuk është përdorur për më shumë se 20 vjet dhe kanë siguruar përbërës për të vënë në funksion gazin vdekjeprurës, i njohur gjithashtu si Zyklon B, sipas dokumenteve të siguruara nga “The Guardian”.

Faturat tregojnë se shteti bleu cianid kaliumi, fishekë hidroksid natriumi dhe acid sulfurik dhe një raport detajon përpjekjet e konsiderueshme të bëra për të rindërtuar dhomën e gazit në një nga burgjet e vendit.

Kritikët e metodës së gazit thonë se përveç përdorimit famëkeq të cianurit të hidrogjenit në vrasjet masive të hebrenjve nga nazistët, kjo metodë ka shkaktuar disa nga ekzekutimet më problematike.

“Duhet të pyesni veten se çfarë po synon të bëjë Arizona, duke besuar se në vitin 2021 është e pranueshme të ekzekutohen njerëz në një dhomë gazi me gaz cianid?”, i tha Robert Dunham, drejtori ekzekutiv i Qendrës së Informacionit të Dënimit me Vdekje, gazetës britanike. “A kishin ata dikë që të studionte historinë e Holokaustit?”

Arizona, një nga 27 shtetet ku dënimi me vdekje mbetet i ligjshëm, shtyu dënimet me vdekje, pas ekzekutimit të Joseph R. Ëood III në 2014 me injeksion vdekjeprurës, i cili nxiti një rishikim të protokolleve të dhomës së vdekjes./Opinion.al

Pas