Aktualitet

Anëtarësimi i Ballkanit Perëndimor në BE, Sassoli: BE të mbajë premtimet


Bëhu pjesë e Grupit Zyrtar të Opinion.al
>> KËTU <<
               Publikuar në : 10:21 - 06/06/21 |
Opi Nion

Presidenti i Parlamentit Evropian, David Sassoli ka mbështetur anëtarësimin e shteteve të Ballkanit Perëndimor në Bashkimin Evropian. Ai thotë se zgjerimi i BE do të ishte pozitiv për paqen dhe prosperitetin.

“Zgjerimi mund të sjellë përfitime të mëdha si në rajon dhe në Evropë si një e tërë, duke ndihmuar në sigurimin e një kontinenti të qëndrueshëm, me prosperitet dhe paqësor,” tha Sassoli, sipas medias gjermane Funke Mediengruppe.

Megjithatë, ai theksoi se koha kur do t’i bashkohen unionit shtetet e Ballkanit Perëndimor varet nga përmbushja e kushteve

“ Reformat duhet të përfundojnë në secilin prej këtyre vendeve,”, -tha Sassoli, duke shtuar se Bashkimi Evropian gjithashtu duhet të mbajë premtimet e tij dhe të njohë përparimin.

BE tashmë po kryen bisedime pranimi me Malin e Zi dhe Serbinë, ndërsa Shqipëria dhe Maqedonia e Veriut janë kandidatë zyrtarë. Maqedonia e Veriut muajin e kaluar mori mbështetjen e Austrisë, Republikës Çeke dhe Sllovenisë për të filluar bisedimet me BE. Bosnje-Hercegovina dhe Kosova deri më tani janë konsideruar kandidate të mundshme për negociata.

Procesi i zgjerimit të BE-së është përballur me sfida të mëdha, ndërsa kërkohet unanimitet nga të gjithë anëtarët e BE-së për miratimin e kornizës negociuese.

Pas