Ministrja e Drejtësisë Etilda Gjonaj gjatë takimeve në qytetin e Vlorës, është shprehur se kanë qenë PD dhe LSI, të cilat kanë penguar votimin për amnistinë ndaj të burgosurve.
Gjonaj theksoi se ligji për amnistinë së shpejti do të kthehet në parlament për t’u votuar nga opozita e re. ‘Grupi i punës është mbledhur dhe po punon për amnistinë, por do të merret parasysh edhe ndikimi që mund të ketë në fushatë” tha ajo.
Gjonaj gjatë prezantimit të marrëveshjes për zbatimin e masave alternative të shmangies nga ndjekja penale për të miturit në konflikt ka deklaruar se marrëveshja synon një tjetër formë trajtimi të të miturve që kanë probleme me drejtësinë.
Ministrja tha se tashmë në këtë paraburgim prej pak kohesh nuk ka më të mitur në pritje vendimi. Këta të mitur janë transferuar në paraburgimin e Kavajës./ Opinion.al E.Xh.
