Presidenti i Republikës, Ilir Meta deklaroi në një lidhje direkte në emisionin “Opinion” se amnistia fiskale e propozuar nga qeveria kërkon një konsensus të gjerë.
Meta deklaroi se amnistitë janë delikate pasi duhen shmangur amnistitë e veprimtarive kriminale ose krijimi i iniciativave informale në të ardhmen. Ndër të tjera ai tha se kjo iniciativë duhet dakorduar me FMN-në.
“Aministitë fiskale kërkojnë konsensus të gjerë shoqëror që të mos amnistohen vperimtaritë kriminale dhe të mos nxitet informaliteti në të ardhmen. Nuk e di sa e mirëmenduar është kjo iniciativë e qeverisë. Do më duhet të shprehem kur Kuvendi të fomralizoje këtë iniciative. Gjithësesi duhet dakordësuar me FMN dhe institucionet ndërkombëtare financiare”, tha Meta.
Kujtojmë se në një deklaratë, misioni i FMN-së kërkoi që të bëhet kujdes me aministinë fiskale të njofuar nga qeveria, për të cilën evidentohet se ende nuk ka një draft zyrtar.
“Një program i mundshëm i zbulimit të pasurive, siç u njoftua kohët e fundit nga autoritetet, që synon ringjalljen e ekonomisë do të duhet të zbatohet me shumë kujdes. Ndërsa deri më tani nuk është lëshuar ndonjë propozim specifik, përvoja në vendet e tjera ka treguar që programe të tilla minojnë pajtueshmërinë e taksave nëse përdoruesit marrin një trajtim më të favorshëm tatimor sesa ata që ishin në përputhje nga fillimi. Për më tepër, sistemet efektive duhet së pari të krijohen për të zbuluar evazionin dhe për të parandaluar mundësitë për pastrim parash dhe korrupsion” përfundoi deklarata e FMN. /Opinion.al
