Fevziu: Pati disa ndryshime në kodin penal. Ju në fillim ishit kundër, negociuat, pastaj u gjet një zgjidhje. Kishte nevojë Shqipëria për këto ndryshime?
Meta: Së pari duhet të pranojmë se kishte një boshllëk në kodin penal. Së dyti nuk duhet të harrojmë se ka një përmbysje nga propozimet tek ndryshimet e miratuara në kuvend, në variantin final. Sigurisht këto ndryshime u realizuan si pasojë e një bashkëpunimi, por edhe e reagimit të parë që erdhi nga avokati i popullit, komiteti i Helsinkit dhe organizata të tjera.
Fevziu: Ju jeni të kënaqur me këto ndryshime?
Meta: Unë si president isha para dy alternativave: të mos bashkëpunoja dhe kuvendi t’i miratonte dhe ato do të ishin një deformim dhe problem shumë i maadh në rrezikun e arbitraritetit të sjelljes. Aktualisht mund t’ju them se ndryshimet e bëra respektojnë parimet e proporcionalitetit. Ndërsa spekulimet se çdo njeri që thyen karantinën do dënohet me 8 vjet burg, janë përrralla të stisura me të drejtë edhe nga një lloj konfuzioni që krijuan propozimet e para.
Këto ndryshime dhe absolutisht kemi një përshkallëzim, por nuk mund të dënohet me burg një njeri. Kalojmë nga masa administrative, tek gjoba. Janë respektuar të gjitha standardet. I kanë edhe vende shumë të zhvilluara në drejtim të respektimit të shtetit ligjor.
Ajo që dua të them është që këto ndryshime të kodit penal, pavarësisht se do të duhej një kohë tjetër, që të kishim një periudhë konsultimi më të plotë, praktikisht ishin të domosdoshme, pasi nuk e dimë sa do të zgjasë kjo situatë: me javë, me muaj, mund të rikthehet. Ndërkohë që të gjithë duam të shkojmë drejt normalitetit. Uroj që policia, prokuroria, gjykata të mos abuzojnë, ndaj dhe sot kam dhënë disa propozime, në të mirë të të gjithëve./Opinion.al
