Në një njoftim për mediat tre anëtarët e këshillit të AMA, Sami Nezaj, Suela Musta dhe Agron Gjekmarkaj deklaruan se ishin kundër kalimit në Parlament të projekt ligjit “Për shërbimet e medias në Republikën e Shqipërisë”.
Në njoftim shkruhet se këshilli i AMA-s ka shqyrtuar projekligjin e përgatitur por jep përgjigje negative me 3 vota kundër, në lidhje me ndryshimet që i janë bërë ligjit “Për mediat Audiovizive në Republikëne Shqipërisë”, që synojnë rrregullimin përmes institucioneve publike të medias së shkruar online.
Sipas tyre propozimet e qeverisë ndrydhin lirinë dhe zhvillimin e medias informative online, anashkalojnë një nga parimet më të rëndësishme të medias së shkruar atë të vetrregullimit dhe nuk mbështesin mediat e reja.
Ata shprehen se fatkeqësisht ndryshimet në ligj nuk janë mbështetur mbi praktikat e vendeve të lira dhe demokratike duke i dhënë AMA-s, një institucioni të pavarur ndër të tjera edhe kompetenca për vlerësimin e përmbajtjes editoriale të mediave./Opinion.al
