Kronikë

Mori 50 mijë euro, Gjykata vendos për “juristen” mashtruese


               Publikuar në : 14:24 - 18/11/19 |
el ida

Gjykata e Tiranës ka lënë në burg 33-vjeçaren, Amarilda Leka, e cila përmes mashtrimit arriti t’i merrte 50 mijë euro një të afërmi të një të dënuari për vrasje.

Ajo hiqej si juriste e Gjykatës së Lartë, dhe përmes këtij kamuflimi kishte mashtruar një qytetare. Sipas Lekës me njohjet që kishte do të ndikonte tek trupa gjykuese për të nxjerrë nga burgu një person të dënuar me 30 vjet heqje lirie, për një vrasje në rrethana rënduese.

Megjithatë, Amarilda Leka nuk është një emër i panjohur për drejtësinë shqiptare. Në vitin 2015 ajo ra në pranga pasi kishte arritur tu merrte me skema mashtrimi rreth 24.500 euro familjarëve të një personi në paraburgim, për të ndërhyrë te gjyqtari i çështjes, me qëllim zbutjen e dënimit.

Asokohe Leka u lirua pas 8 muajsh burg, ndërsa nga hetimet e prokurorisë rezultoi se paratë i shpenzonte për makina jetë luksi dhe udhëtime në vendet e BE-së./Opinion.al

Pas