-Teknologji

Akuzat për censurim të afrikano-amerikanëve, TikTok kërkon falje


Bëhu pjesë e Grupit Zyrtar të Opinion.al
>> KËTU <<
               Publikuar në : 18:01 - 02/06/20 |
el ida

TikTok kërkoi falje të hënën pas ankesave që postimet me hashtags #BlackLivesMatter (jetët e afrikano-amerikanëve kanë rendësi) dhe #GeorgeFloyd u shënuan me zero klikime, në aplikacionin e popullarizuar me video të shkurtra.

Disa përdorues të TikTok i ndryshuan fotografitë e profilit të tyre, duke vendosur një grusht të zi të ngritur që simbolizon fuqinë e zezë, ndërsa u bën thirrje të tjerëve që të mos ndiqnin përdoruesit të cilët nuk e mbështesin protestën.

‘Ne e pranojmë dhe kërkojmë falje krijuesve dhe komunitetit tonë afrikano-amerikanë, që janë ndjerë të pasigurt, të pa mbështetur ose të shtypur’, shkroi në një postim në blog, Vanessa Pappas, menaxherja e përgjithshme amerikane e TikTok dhe Kudzi Chikumbu, drejtor i komunitetit të krijuesve.

Kompania tha që nuk kishtë censuruar postet dhe fajësoi një problem teknik, që prekte një grup të gjerë hashtagësh. Në realitet, videot me hashtagun #BlackLivesMatter kanë gjeneruar më shumë se 2 miliard shikime, sipas TikTok.

TikTok tha se do të krijonte një këshill të posaçëm për të forcuar zërat e larmishëm dhe do të dhurojë 3 milion dollarë për organizatat jofitimprurëse që ndihmojnë komunitetin afrikano-amerikan dhe 1 milion dollarë për të luftuar padrejtësinë racore dhe pabarazinë në SH.B.A./Opinion.al

Pas