Policia ka dhënë informacion zyrtar për aksidentin tragjik të ndodhur këtë të hënë në Rrugën e Kombit, ku humbi jetën një fëmijë 3-vjeç.
Autoritetet bëjnë me dije se dy automjete janë përplasur dhe si pasojë ka ndërruar jetë një mitur që po udhëtontë më prindërit në automjetin tip”Opel”, ndërsa është plagosur drejtuesi i mjetit tip “Benz”.
“Në aksin rrugor Milot-Rrëshen janë përfshirë në aksident automjeti tip “Benz” me automjetin tip “Opel”. Si pasojë e përplasjes ka ndërruar jetë një i mitur 3-vjeçar, që udhëtonte me prindërit në mjetin tip Opel dhe ka marrë dëmtime është transportuar në spitalin e Traumës Tiranë drejtuesi i mjetit tip Benz. Mjeti tip Benz është përfshirë nga flakët dhe është djegur plotësisht”.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
