Kronikë

Aksidenti me një viktimë, spitali i Përrenjasit nuk kishte energji


               Publikuar në : 18:43 - 24/01/20 |
Opi Nion

Të tjera detaje janë zbardhur në lidhje me aksidentin e ndodhur ditën e sotme në Pishkash të Përrenjasit ku humbi jetën Ardian Vreto.

Mediat raportojnë se 45-vjeçari ishte gjallë kur është dërguar në spitalin e Përrenjasit, por aty nuk kishte energji elektrike në momentin kur kanë shkuar të aksidentuarit.

Pasi nuk ka patur energji në Përrenjas, të katër të aksidentuarit janë hipur sërish në autoambulancës për t’u nisur sërish për në spitalin e në Librazhdit.

Policia konfirmoi se Ardian Vreto ndërroi më pas jetë në spitalin e Librazhdit pas një sorollatjeje më shumë se 40 minuta nga spitali në spital.

Vreto është vëllai i kreut të degës së Partisë Demokratike të Librazhdit. 45-vjeçari më herët ka qenë punonjës policie, ndërsa së fundmi ai mbante detyrën e shefit të Policisë Bashkiake në Përrenjas.

Nga përplasja e dy mjeteve tip “Ford” dhe një “Benz”, janë plagosur dhe një çift nga Durrësit Adnan e Frida Sofa si dhe një grua tjetër, të cilët janë transportuar për në spital.  Ndërkohë, policia po punon për zbardhjen e plotë të rrethanave të ngjarjes./ Opinion.al

Pas