Te Fundit

A po e përzë Qeveria misionin e OSBE nga Tiranë?


Bëhu pjesë e Grupit Zyrtar të Opinion.al
>> KËTU <<
               Publikuar në : 13:05 - 19/09/15 |
b.f

TIRANE-Media e shkruar ka publikuar sot një shkresë që ka dalë nga zyrat e Ministrisë së Jashtme sipas së cilës, ministritë e linjës duhet të rishikojnë projektet e përbashkëta me OSBE. Kjo lëvizje e MPJ ka ardhur pas raportit të OSBE që nxorri pislliqet e politikanëve majtas dhe djathtas dhe ngjalli jo pak indinjatë.

Shkresa e publikuar në media mban firmën e Sekretarit të Përgjithshëm të MPJ, Qirjako Qirko, ku ndër të tjera thuhet se Shqipëria nuk ka më nevojë për prezencën e OSBE.

“Zhvillimet pozitive të demokracisë shqiptare, rritja e rolit dhe profilit të Shqipërisë në rajon, dhe më gjerë, anëtarësimi në NATO dhe marrja e statusit të vendit kandidat në BE, kanë sjellë një ndryshim rrënjësor në marrëdhëniet tona me OSBE. Shqipëria nuk është vetëm konsumatore e ekspertizës së OSBE, por kontribuon në mënyrë të qenësishme në ruajtjen dhe promovimin e rolit të Organizatës në arkitekturën e sigurisë në Evropë. Parë në këtë këndvështrim, zhvillimet në Shqipëri do të justifikonin ndryshimin e mandatit të pranisë së OSBE në vendin tonë dhe tkurrjen e saj në disa fusha përparësore”. Kështu shkruhet në shkresën e MPJ, publikuar sot në median e shkruar.

Edhe pse ka disa orë që qarkullon ky lajm nuk ka asnjë reagim nga Ministria e Jashtme. E para: Për të sqaruar nëse është autentike kjo shkresë? Dhe e dyta: A po kërkon Qeveria shqiptare të mbyllë zyrën e OSBE në Tiranë?

KOMENTO (0)

Shkruaj nje koment

    Pas