Aktualitet

A po e ndjen SPAK-u presionin? Kraja: I kam thënë gjithë trupës vazhdoni punën


Bëhu pjesë e Grupit Zyrtar të Opinion.al
>> KËTU <<
               Publikuar në : 11:18 - 12/05/22 |
Opi Nion

Arben Kraja drejtuesi i Prokurorisë së Posaçme (SPAK) në raportimin vjetor përpara KLP-së, u pyet nëse institucioni që ai drejton ndihet nën presion nga retorika politike e ditëve të fundit.

Ai tha se të gjithë prokurorët dhe BKH janë të ndërgjegjshëm që punojnë në institucionin më të rëndësishëm dhe që pa diskutim do ketë opinione dhe presione.

“Dua të them të gjithë prokurorët dhe BKH janë të ndërgjegjshëm që punojnë në institucionin më të rëndësishëm. Pa diskutim do të ketë opinione, do të ketë presione. Janë jashtë nesh të gjitha. E rëndësishme për ne është të jemi korrekt me zbatimin e ligjit. Kemi bërë një mbledhje. I kam thënë gjithë trupës: vazhdoni punën, vlerësoni provat”, tha Kraja.

Kujtojmë se ditën e djeshme në një konferencë për shtyp kryeministri Edi Rama foli për Reformën në Drejtësi dhe theksoi se duhet të hetohen politikanët dhe prokurorët e korruptuar

“Qëndrimi im në Asamblenë Kombëtare të PS-së lidhur me nevojën që SPAK-u të hetojë në mënyrë gjithëpërfshirëse korrupsionin e politikanëve dhe gjykatësve e prokurorëve të korruptuar të cilët si të tillë janë përjashtuar nga procesi i vettingut. Disa e kanë quajtur këtë presion mbi drejtësinë, disa frikë nga humbja e pushtetit, ndërsa të tjerë e kanë komentuar si përpjekje për të fshehur dështimet e qeverisë apo orvatje të kota. Pavarësisht interpretimeve për mua më e rëndësishmja është që ky diskutim të bëhet sepse SPAK-u së shpejti mbush 3 vjet”-tha Rama./Opinion.al

Pas