A duhet të ketë Shqipëria lojtar me ngjyrë në Kombëtare?

Pak ditë më parë u përfol shumë për mundësinë që lojtari i Skënderbeut Piter Olaynka, pasi u pajis me pasaportë shqiptare, të vishte në një të ardhme edhe fanellën e Kombëtares së Shqipërisë. Në fakt në të gjithë botën e futbollit ka një debat të hapur nëse duhet apo jo që Kombëtaret të kthehen në multietinike, siç janë ajo gjermane, franceze, etj. Rasti i fundit është ai i yllit të Polonisë së viteve ’80, ish-lojtarit të Juventusit, dhe aktualisht President të Federatës së Futbollit të Polonisë, Zbignieë Boniek, i cili ka thënë hapur se Kombëtarja e Polonisë sa të jetë ai President, nuk do të ketë lojtar që nuk janë polak në gjirin e saj. I pyetur nga një gazetar Italian në prag të sfidës Lech Poznan-Fiorentina e vlefshme për Europa League. Boniek: “Është e vërtetë që ne po shkojmë në këtë rrugë, e të luajturit në Kombëtare vetëm të atyre që kanë lindur në Poloni. Ne nuk duam lojtarë me 2-3 pasaporta. Futbolli këtu është popullor dhe duhet respektuar mendimi i njerëzve”