Një ngjarje e rëndë ka ndodhur në Kanada. Të paktën 10 persona janë vrarë dhe 15 të tjerë janë plagosur në një sulm me thikë në provincën qendrore Saskaçevan të Kanadasë, në një komunitet indigjen.
Policia kanadeze ka shpallur në kërkim dy burra të dyshuar si autorë të ngjarjes.
Sipas BBC, dy të dyshuar të quajtur Damien Sanderson dhe Myles Sanderson janë ende në arrati ndërsa janë konsideruar nga autoritetet si persona të rrezikshëm.
Viktimat u gjetën në 13 vende të ndryshme në komunitetin indigjen të largët James Smith Cree Nation dhe Ëeldon.
Ndërsa ky sulm është cilësuar si një nga aktet më vdekjeprurëse të dhunës masive që ka parë ndonjëherë Kanadaja. Kryeministri Justin Trudeau reagoi për ngjarjen i tronditur.
“Jam i tronditur dhe i shkatërruar nga sulmet e tmerrshme sot,” tha Trudeau në një deklaratë. “Ata që janë përgjegjës për sulmet e neveritshme të sotme duhet të vihen para drejtësisë”.
Policia iu bëri thirrje banorëve të jenë jashtëzakonisht vigjilentë ndërsa vijojnë operacionet për kapjen e autorëve të dyshuar në një nga rajonet më të mëdha dhe më të largëta të Kanadasë./Opinion.al
