Aktualitet

Video/Dhunoi dhe kërcënoi gruan me pistoletë, kur mbërrin policia 37-vjeçari …



Bëhu pjesë e Grupit Zyrtar të Opinion.al
>> KËTU <<
               Publikuar në : 09:40 - 05/09/22 |
Opi Nion

Një 37-vjeçar ka rënë në prangat e policisë pasi ka dhunuar bashkëshorten dhe e ka kanosur me armë zjarri pistoletë. Ngjarja ka ndodhur në fshatin Kasallë në Kamëz.

Efektivët, bazuar në informacionet e marra në rrugë operative se në fshatin Kasallë një 37-vjeçar mbante armë zjarri dhe ushtronte dhunë ndaj bashkëshortes, kanë organizuar punën dhe kanë finalizuar operacionin policor të koduar “Kasalla”.

Si rezultat i tij u bë kapja dhe arrestimi në flagrancë i shtetasit: M. M., 37 vjeç.

37-vjeçari mbrëmjen e djeshme ka ushtruar dhunë ndaj bashkëshortes së tij dhe e ka kanosur atë. Në momentin që kanë arritur shërbimet e Policisë,ai ka hedhur armën e zjarrit pistoletë nga dritarja e banesës dhe ka tentuar të largohet, por është prangosur nga shërbimet e Policisë.

Gjatë kontrollit përreth banesës, shërbimet e Policisë gjetën dhe sekuestruan, armën e zjarrit pistoletë me fishek në fole gati për qitje. Po gjatë kontrollit në banesë, Policia gjeti dhe sekuestroi municion luftarak, një këllëf pistolete si ato të Policisë dhe 5 radio që dyshohet se lidheshin me valët e radiove të Policisë.

37-vjeçari akuzohet për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Dhuna në familje”./Opinion.al

c

 

Pas