Policia zvicerane ka shkatërruar një grup kriminal në Zvicër, ndërsa ka vënë në pranga 6 shqiptarë mes tyre dhe një grua.
Sipas Prokurorisë zviceriane, bëhet fjalë për një grup kriminal shqiptar që e ka filluar aktivitetin në trafikun ndërkombëtar të drogës që nga prilli i vitit 2020 deri në mars 2021.
Mediat vendase shkruajnë se autorët kanë importuar sasi të mëdha droge në Zvicër dhe më pas e kanë shitur atë në të paktën 13 kantone.
Sipas prokurorisë tregtia ishte e organizuar në mënyrë profesionale. Ndërkohë, autoritetet policore arrestuan 27 persona të dyshuar të këtij grupi kriminal, të cilët e ushtronin aktivitetin e tyre në Lucernit.
Po ashtu janë sekuestruar 14,5 kilogramë kokainë, tetë kilogram heroinë, tre kilogram marihuanë dhe 30 kilogramë produkte prerës si dhe rreth 160 mijë franga, që mendohet se janë përfituar nga trafiku i drogës./Opinion.al
