Një ngjarje e rëndë u regjistrua mbrëmjen e djeshme në Athinë, ku mbetën të vrarë tre persona dhe u plagosën tre të tjerë, përfshirë dy pumonjës policie.
Kjo ngjarje e rëndë që pati si protagonistë dy grupe shqiptarësh, dyshohet se ka ndodhur për larje hesapesh, ndërsa grupet u cilësuan si kriminelë të dyshuar të përfshirë në tregtinë e drogës
Gjatë mesditës së sotme është publikuar nga mediat greke një video e filmuar nga banorët e pallateve përreth ku dhe ndodhi ngjarja.
Në video dëgjohen krisma, të bërtitura, zëra fëmijësh duke qarë dhe prindër të shqetësuar për atë ç’ka po ndodhte.
Gjithashtu, në pyetje janë marrë edhe banorët e zonës të cilët kanë deklaruar se fillimisht kanë menduar për shpërthime fishekzjarrësh e më pas kanë parë efektivët e plagosur.
“Ishim ulur jashtë dhe papritmas dëgjuam të shtëna armësh. Në fillim menduam se ishte fishekzjarre. Më pas kuptuam se çfarë ndodhi. Ne pamë një oficer policie që po çalonte dhe një tjetër që ishte i shtrirë në tokë. Kishim frikë. Disa thonë se ka grabitur një dyqan dhe teksa po kalonin policët, hapi zjarr ndaj tyre”, thotë një dëshmitar i pranishëm në momentin e ngjarjes./Opinion.al
