Nje makinë e djegur tip “Toyota” me targa të huaja është gjetur në afërsi të lumit në Laç. Sipas news 24 dyshohet se mjeti mund të ketë lidhje me vrasjen e Xhelal Reçit, ish-policit që u ekzekutua mëngjesin e sotëm.
Kjo skemë rezulton të jetë e zakonshme nga autorët e vrasjeve edhe në shumë atentate të tjera.
Ngjarja ndodhi mëngjesin e sotëm rreth orës 07:23. Ish- polici Xhelal Reçi u ekzekutua nga persona ende të paidentifikuar.
Në ndihmë të Policisë lokale janë nisur grupe të FNSH-së që kanë rrethuar zonën, si dhe janë ngritur pika kontrolli, me qëllim kapjen e autorit.
