Në seancën plenare të ditës së sotme deputeti i Partisë Socialiste, Erion Braçe duke folur për vetingun politik, nismë e Partisë Demokratike ka thënë se ka vetëm një vetting ai penal.
Braçe solli në vëmendje ngjarjen e 21 janarit ku 4 persona mbetën të vrarë, në kohën kur Basha ishte ministër i Brendshëm.
Më tej, ai iu drejtua Bashës duke thënë se a është gati të përballet me këtë vetting, jo për tu larguar nga politika por për të shkuar në burg.
‘S’i kam kurrkujt asnjë borxh. Për të më përdorur për të vrarë njerëz në mes të bulevardit ska ndodhur dhe as nuk ka për të ndodhur kurrë. Nuk arrij ta kuptoj se çfarë do të thotë vetting politik, ka vetëm një vetting, vetting penal dhe është për ato që vrasin. Ai është për ata që vrasin, jo për të larguar nga politika, por për ta çuar në burg për vrasjen e katër vetave në Bulevard. Ke b*thë për këtë vetting. Kot dëgjuam tre orë. T’i je një njeri që nuk e di sesa të kushton shporta e ushqimeve mujore. Në një treg kur çmimet i përcaktojë këta 150 mln euro shkojnë për oligarkët e jo për këta. Kostoja ushqimeve sot është shtrenjtuar. 41.6% e buxhetit të shqiptarëve shkojnë për ushqime është më pak se në 2013.’- tha Braçe.
