30-vjeçari, Leonard Rrapi nga Tepelena që u aksidentua mbrëmjen e djeshme në qendër të qytetit të Beratit ka ndërruar jetë sot në Spitalin e Traumës në Tiranë.
Kujtojmë se i riu ishte duke shëtitur në qytetin e Beratit së bashku me miqtë e tij: Abaz Kaballi,60-vjeç, Astrit Veliu, 23-vjeç dhe Tahir Redhi, 30-vjeç kur automjeti tip Benz me targa AA 021 MS humbi kontrrollin dhe hyri brenda një dyqani me pajisje elektro-shtëpiake në qendër të qytetit.
Personat nga Tepelena sapo ishin kthyer nga peligrinazhi në Malin e Tomorrit dhe kishin vendosur në kthim të vizitonin edhe qytetin e Beratit. Si pasojë e aksidentit të rëndë u plagosën 4 shtetasit nga Tepelena, njëri prej të cilëve ndërroi jetë sot në Spitalin e Traumës në Tiranë, drejtuesi i mjetit Ergys Petro, 26-vjeç dhe pasagjeri i mjetit tip Benz që udhëtonte me Petron, Robert Sadikaj.
Të gjithë të plagosurit e tjerë janë jashtë rrezikut për jetën, ndërkohë që Ergys Petro është arrestuar nga policia.
