Emisioni Opinion mbrëmjen e sotme trajtoi temën e të huajve që jetojnë në Shqipëri.
Ata janë të kombësive të ndryshme, por kanë vendosur që të jetojnë dhe punojnë në Shqipëri prej disa vitesh.
Në studio, të ulur përballë njëri-tjetrit, Blendi Fevziu zbuloi se dy prej tyre janë të dashuruar mes tyre.
Na’imi ka ardhur në Shqipëri që 6-muajsh dhe është rritur në Tiranë.
Pjesë nga biseda:
“Studiova në Angli për Shkenca të Natyrës. Qëndrova 2 vite, ngrita ca biznese dhe pastaj erdha këtu. Nuk kam pasur për qëllim të jetoj andej, shkova për të bërë shkollën. Më pëlqen këtu. Tani këtu po ngre një platformë për turizmin në Shqipëri, “Visiting Albania”, dhe kam akoma biznese që mbaj në Angli, i mbaj nga këtu”, tha Na’imi.
“Na’imi nuk e thotë, por do ta them unë, që Na’imi është njohur me Sarën, jetojnë bashkë, dhe e ka sjellë Sarën në Shqipëri”, ndërhyri Blendi Fevziu.
Blendi Fevziu: Ku e njohe Sarën?
Na’im: Jemi takuar në Qendrën Botërore Bahai, jemi të dy anëtarë të besimit Bahai. U takuam në Izrael, unë bëra 1 vit shërbimin si vullnetar, ndërsa Sara ka qenë pelegrinazh me familjen e saj. U njohëm në Haifa para mbi 10 vite, pastaj për shumë vite nuk ndodhi gjë. Para disa vitesh filluam të flasim prapë.
Blendi Fevziu: E vendosi Sara që të vijë në Shqipëri?
Na’im: Para 3 vitesh filluam folëm prapë, shkova unë në Angli, u takuam andej, dhe i thashë pse nuk vjen ta shikosh njëherë Shqipërinë. E kishte pak me frikë në fillim. Kur erdhi pastaj ndërroi mendje dhe sikur i ngjiti më shumë Shqipëria se unë. Qëllova unë me fat që i kishte pëlqyer Shqipëria. U vendosëm këtu.
Blendi Fevziu: Po ti Sara si e vendose të rrije?
Sara: Në fakt kisha rënë krejt në dashuri jo me të, por me Shqipërinë.
Blendi Fevziu: Para se të vije çfarë dije për Shqipërinë?
Sara: Pak informacion të keq në Angli. Ishte pak paragjykim.
Blendi Fevziu: Të pëlqeu Shqipëria kur erdhe?
Sara: Po po.
Blendi Fevziu: Më shumë se Na’imi?
Sara: Po, mendoj se po.
