Komiteti Teknik i Ekspertëvë vendosi ditën e sotme që vitet e para dhe të dyta të gjimnazeve, deri më tani kanë zhvilluar mësim online, ndërsa tanimë si rrjedhojë e përmirësimit të situatës epidemiologjike mund të zhvillojnë mësimin në mënyrë të kombinuar, online dhe në klasa.
Po ashtu, Komiteti Teknik i Ekspertëve njoftoi sot se duke nisur nga nesër, qytetarët që futen në Shqipëri nga Maqedonia e Veriut dhe Greqia do duhet që të qëndrojnë në karantinë për dy javë. Shkak për vendosjen e karantinës janë bërë shifrat shqetësuese në këto dy vende fqinje.
“Nga dita e nesërme qëndrimi në karantinë 2 javore për personat që vijnë nga Maqedonia dhe Greqia deri më 3 maj. Nxënësit e viteve të parë dhe të dyta që kanë qenë në mësim online, mund të fillojnë edhe mësimin në klasë, pra të futen në skenarin e kombinuar”, tha Rakacolli./Opinion.al
