Pas publikimit të përgjimeve të mafies italiane dhe reagimit të Partisë Demokratike, kryebashkiaku i Tiranës Erion Veliaj është përgjigjur ditën e sotme nga Rrogozina.
Sipas Veliajt, tashmë në prag fushate, do dëgjohen çudira, teksa thekson se strategjia e Berishës ka qenë përça dhe sundo.
“Do dëgjoni në këtë fushatë çudira, ku do dalim që kemi qenë shokë çerdheje me Eskobarin, lloj-lloj çudirash. Strategjia e Saliut ka qenë përça dhe sundo. I ka funksionuar në vitet ‘90. Hidhte helmin e vet, përçante veriun dhe jugun. Përçante myslimanë me të krishterë, përçante fshatin me qytetin. I funksionoi, por tani shqiptarët kanë parë botë me sy, dinë çfarë janë lajmet e rreme. Ata mund të hedhin helm, ata mund të marrin portale, ata mund të paguajnë rrjetet sociale që vënë gjoba, ata mund të bëjnë çfarë të duan. Por ne socialistët jemi të fokusuar tek data jonë, te kutia e votimit”, theksoi drejtuesi politik i PS për qarkun e Tiranës, Erion Veliaj.
Kujtojmë se ditën e sotme ka qenë ish-deputetja Grida Duma e cila në një dalje për mediat ka shtuar se Rama dhe Veliaj janë duke e përdorur Tiranën si lavatriçe për pastrimin e parave të pista, teksa shton se tashmë pas Tahirit dhe Erion Veliaj ra në rrjetën e mafies italiane./Opinion.al
