Autoritetet policore italiane kanë vënë nën hetim për vrasjen e çiftit vlonjat Shpëtim dhe Teuta Pasho edhe dy persona të tjerë përveç 36-vjeçares Elona Kalesha, tashmë të arrestuar.
Të dyshuarit janë djali i çiftit të masakruar, Taulant Pasho dhe vëllain e të resë së arrestuar, Denis Kalesha. Sipas medias italiane, në apartamentin ku dyshohet se u vra çifti ka gjurmë të ADN-së edhe të këtyre dy personave. Prandaj njoftohet se në vijim të bëhet krahasimi i gjurmëve.
Sipas Corriere della Sera gishti drejtohet edhe ndaj djalit të çiftit të masakruar, Taulantit, për shkak të një shume parash prej 40-50 mijë eurosh që çifti Pasho mbante me vete.
Deri më tani e arrestuar në lidhje me këtë ngjarje është Elona Kalesha, vajza me të cilën Taulant Pasho ka patur një lidhje intime. Dyshimet janë se ajo nuk i ka vrarë vetëm Shpëtim dhe Teuta Pashon, ndaj edhe hetimet vijojnë.
Shpëtim dhe Teuta Pasho u zhdukën në Nëntor të vitit 2015. Trupat e pajetë të tyre u gjetën vitin e kaluar në Dhjetor të copëtuar dhe të futur në disa valixhe./Opinion.al
