Eksperti i Organizatës Botërore të Shëndetësisë, Mike Ryan është shprehur se fakti që rastet e para me COVID-19 u evidentuan në Kinë, nuk do të thotë se sëmundja e pati origjinën atje. Sipas Ryan, nevojitet një studim më i zgjeruar epidemiologjik për të kuptuar plotësisht lidhjet mes rasteve.
Deklarata erdhi pak pasi një ekip i OBSH që udhëtoi drejt Kinës, mbylli misionin për identifikimin e origjinës së Covid-19. “Nevojitet një studim më i zgjeruar epidemiologjik për shqyrtimin e rasteve të para në Ëuhan dhe për të kuptuar plotësisht lidhjen mes rasteve të para, e për të përcaktuar se në cilën pikë, në Ëuhan apo diku tjetër virusi e kaloi barrierën kafshë-njeri”, tha ai.
Më herët, kreu i OBSH, Tdros Adhanom Gebrejsus, paralajmëroi se pavarësisht shpresave për një vaksinë kundër koronavirusit, mund të mos ketë kurrë një zgjidhje perfekte dhe se rruga drejt normalitetit mund të jetë e gjatë.
Organizata përsëriti thirrjen për zbatimin rigoroz ta masave të tilla si mbajtja e maskës, distancimi social e larja e duarve. Gebrejesus i bëri thirrje nënave më fëmijë të vazhdojnë të ushqejnë me gji edhe nëse janë të infektuara me Covid-19. Sipas vlerësimeve të OBSH niveli i vdekshmërisë nga koronavirusi në rang botëror është aktualisht, 0,6%.
Kujtojmë që më herët, presidenti Donald Trump ka hedhur akuza ndaj OBSH, pasi sipas tij është duke bashkëpunuar me Kinën. Po ashtu, Trump ka akuzuar Kinën se ka fshehur dhe vonuar të dhënat për COVID-19. Pas akuzave, Trump vendosi të ndërpresë financimin e SHBA ndaj OBSH./ Opinion.al
