Ekonomia e Francës pritet të tkurret për 20 për qind në tremujorin e dytë të vitit, si rezultat i masave të ashpra të izolimit ndaj koronavirusit.
Zyra e Statistikave e këtij vendi, Insee, deklaroi se në tremujorin e parë ekonomia franceze është tkurrur për 6 për qind.
Insee tha se aktiviteti ekonomik është kthyer për 21 për qind më pak se nivelet e zakonshme, pas lehtësimit të masave të izolimit, të cilat kanë qenë në fuqi nga mesi i marsit deri në fillim të majit.
Pandemia e koronavirusit ka goditur rëndë ekonomitë e vendeve të Evropës, të cilat janë detyruar të mbyllin përkohësisht bizneset për të frenuar përhapjen e sëmundjes që shkakton koronavirusi.
Këtë muaj, edhe Gjermania, ekonomia më e fuqishme në Evropë, ka shkuar në recesion./Opinion.al
