Partia Demokratike ka reaguar pas kthimit në Kuvend të shtesës së kontratës koncesionare në Porto – Romano nga ana e Presidentit Ilir Meta.
Në një reagim për mediat, PD shprehet se ky koncesion ishte anti-ligjor dhe se do e kthente Porto Romano në port privat për oligarkët e kryeministrit Edi Rama.
Sipas selisë blu, Vendimi i metës është i drejtë dhe mbron interesin publik duke mos lejuar grabitjen dhe faljen e pasurive të vendit pa garë dhe në kundërshtim me ligjin tek një grusht klientësh të Ramës.
PD paralajmëron se kur të qeverisë vendin do të vëjë para drejtësisë gjithë ata persona që kanë shkelur ligjet.
LEXO EDHE: Meta kthen shtesën e koncesionit në Porto Romano: Është cenuar gara e lirë
DEKLARATË E PARTISË DEMOKRATIKE TË SHQIPËRISË
Partia Demokratike përshëndet vendimin e Presidentit të Republikës që kthen në parlament koncesionin antikushtetues dhe antiligjor për kthimin e Porto Romanos në një port privat për oligarkët e Edi Ramës.
Vendimi i Presidentit është i drejtë dhe mbron interesin publik duke mos lejuar grabitjen dhe faljen e pasurive të vendit pa garë dhe në kundërshtim me ligjin tek një grusht klientësh të hajdutit ordiner Edi Rama.
Ky vendimi korruptiv dhe i paligjshëm që u mor në mes të krizës ekonomike kur mbi 100 mijë vende pune u mbyllën dhe mijëra familje e biznese u braktisën dhe u lanë në mjerim, është një akt tradhëtie kombëtare nga Edi Rama, hajduti i babëzitur dhe armiku i mirëqenies së shqiptarëve.
Parlamenti dhe qeveria e re e dalë nga votat e shqiptarëve do ta anullojë këtë vendim të paligjshëm dhe do t’i vendosë të gjithë përgjegjësit para drejtësisë./ Opinion.al
